Shanghai - Day1

25-06-2010 (Friday)
終於都要去上海………
如果唔係有世博我諗都應該唔會去喇。。。。

八點機，領隊話要五點半到。。。。
明明上機前四十五分鐘先冇得check-in，即係七點到都得，早咁多去做乜？

結果我地決定五點九先出發！
五點三起身。。。。。五點幾訓就有，五點幾起身……除左以前sports day之外，我都好似未試過咁早。。。。

買完早餐就坐的士去。
同屋企人去旅行果然好d，可以坐的士去。上次去台灣要坐E41
去到先係六點二，半個鐘都唔洗就到。。。。。。
check-in完，寄完艙六點半都冇
過完關梗係去經緯行下買返本magazine消磨下時間啦……
行下行下行到七點就去搵個GATE

Gate510

要坐shuttlebus

去到仲要等，等好耐終於都上得機

同去台灣一樣，係無電視既。我本來都唔知點解，後來醒起我第一日都唔係去上海，係去杭州。小城市加細機，冇都係應該。只係我應該會好悶姐

送張老套相比大家啦。。。。。

最後呢兩個幾鐘係沉悶地渡假，雜誌得一本，總不能兩條share黎睇。。
唯有訓教喇（事實上又真係幾眼訓）

大約十點三倒就到左杭州，一個好細既國際機場。　
細到，由過關到行去拎行李唔洗五分鐘……
不過等行李等左好耐！
（btw一行出機場見倒KFC）

「貴人出門招風雨」

跟住去左食野，食左一餐唔知乜野，真係好難食。。。

最好食係呢碟，北面D既菜果然係好食D！真係好好味嫁！
跟住去睇西湖

呢個碑係有故事既，不過我唔記得係乜喇

因為係自由活動時間，做乜都得啦！咁大雨，邊度都唔想行。。。

唯有去Starbucks坐下啦。。。

呢杯野，估唔到回到祖國都繼續飲。。。。。
（重點係價錢同香港一樣，但係呢度係用RMB）

細雨D就去行下……一望上去多數就係咁樣，全部都係樹。。

咁難得黎到，老豆都要幫屋企影返D沙龍照先得。。。。。（我係負責幕後花絮）

用flash影相，個樣真係但係唔用flash，連樣都冇。。。。。

其實唔係花絮，係佢真係扮呢個樣比老豆影，懶係不造作。
其實就最造作哈哈
（其實我都被迫影左張但係唔會比你地睇）

大風又大雨。。。。。。。。。


之後去坐船，泛舟西湖（文雅到。。）

拿，呢張係NG相黎既。。。
呢d先係自然不造作呀！（雖然睇落都仲有係d造作）

坐完船就去西湖附近行下啦。。。。

落雨濕濕去親親大自然，真係。。。。。。。。。
（好對唔住呢對鞋呀次次落雨都係佢瀨野）

行黎餵下魚。。。。。。。。　d魚真係多到din，人都係！
超多local旅行團，好嘈。。。（重點係，個池都唔係好大姐，你用乜野mic呀？我耳都聾呀大佬）

個度實在太嘈，所以我又自己溜走左，沿住小路行左去個亭度，好靜好舒服

個亭行出少少望倒既景。。。。。
（其實好wide既，不過我影唔倒姐）

其實佢係楓葉黎嫁（如果唔係太黑影）

行完已經去食飯哈哈。。。。。都係難食囉。。。
一張相都冇影，完全冇食飽。
其實佢地食D野都幾重口味，但係重黎得又唔係幾岩食……

食完去左睇show，講歷史既，幾好睇呀！做個d人全部都好靚女，但係男既就

睇完九點多d就返酒店。。。

個廁所好透明。。。。其實有簾既，但係係出面囉，有鬼用咩！
（打斜既，好明顯唔係我影啦！）

有電腦既酒店真係正。。。。。。。。等睇波期間就可以玩！

睇完波就訓！　

end of day 1
The end of Day1