27-6-2010 Sunday
終於要去世博喇！
終於要去世博喇！
「貴人出門招風雨」呢句說話真係好岩用。。。
雖然我住係浦西，但係去世博其實都係四、五個字車程……
點解一落車就瀨野喇！事緣前一日既日頭落大雨，之後d遮濕哂，老豆返到酒店就拎左出黎long 乾，今朝冇放返落袋呀！！！
呢一日大雨既程度就有如紅色暴雨警告咁誇張！！！但係！我竟然無遮用！！！！
好彩一落車就有人賣遮同雨褸
（雖然d垃圾雨褸都要RMB$10。。。。。。。。而且quality比黑色個d垃圾膠袋更差
）不過總好過無野遮啦係咪先！係呢個時候有遮都無用，雨褸先係勁野呀！
之後大家就排隊入去排隊。 （即係要排隊入去園區，再排隊去安檢先可以入世博）
因為太多人有遮，d遮係咁督倒人，結果我話「超，唔洗遮都得啦，咁多人有，我穿過去都得啦，唔會濕！」
估唔到我隨口up完真係有大陸人咁行，佢真係無濕，個刻真係!!!!!
大家都
，因為佢係打緊尖囉由停車場行去入口大約行左半個鐘有多（正正常常大約五分鐘），行完呢段路仔，我對鞋已經濕哂，好彩腳仲係乾既同埋著雨褸個身先滴水不沾咋！我都唔識點講個個情形，我覺得個一刻係咁同d大陸人迫，好似走難咁呀。。。重點係佢地唔會怕同你迫，但係我自己好怕囉
仲要落哂雨，係想像下畫面係幾咁淒涼
（好大雨呀，手都收哂入雨褸度，無相呀！走緊難仲影相既人都癡線啦。。。）
原來入到去仲要排隊，排左八個字
排左八個字以為入得，點知仲要排！
張飛
濕哂既背脊，只係落車再行去買雨褸，兩分鐘都無，都足以令我背脊濕哂
（咁樣真係好似d死0靚仔係公園玩到濕哂，比d阿媽捉住去zip條毛巾廢事「zip親」。。。）
是日行程：
中國區省市聯合館－＞意大利－＞非洲聯合館－＞Russia－＞Croatia－＞Austria－＞Urbanian
入左去買野。。。
買左呢本RMB$30既野，CODY個本好靚嫁！係passport色，但係無哂貨，結果得呢款
（呢本野真係好Q貴！）
路過咋，拎團體飛無得預約入去呀！不過唔緊要啦永久保存
（自慰mode）第一站中國ｘｘｘｘｘｘ館
條隊好長，但係好快到，十五分鐘倒啦。但係中途真係令我好炆，我好憎d人老家恃老賣老！！！！！！！係咁打尖
算啦，無受傷入到去已經好欣慰。。。
入到去都係影下自己影下個館啦。。。。。
鄭婉云話袋重，之後爸爸幫佢咁樣拎住[clown]
裡面無咩特別，相請去facebook！哈哈！
行左十五分鐘太多人同太無聊走左嚕～～去意大利喇！哈哈！
排隊排隊排隊。。。
其實只要有人陪，傾下計，我又聽下歌咁，個零鐘真係好快過。。。。（真係好快過嫁咋認真！）
yeah！小丸子要入去喇！！！！！！！！！yeah！
一入去有個好靚既唔知教堂定唔知乜野既門口巴仿真品。。。你地睇電視應該見倒嫁啦，唔洗我影啦
（因為個度根本唔比影相
）
兩個好hea既師父整緊衫，現場直播。
唔係講笑其實已經兩點，所以決定去食正忠意大利粉！（賣飛佛
）
講睇價錢。。。。。。。。。。。
叫左四個set lunch。。。。
RMB$50呀呢舊野！多五十蚊原來因為呢杯GELATO!真係肉都痛埋。。。不過成餐飯最好食就係佢
佢d汁好正，真係純tomato整出黎應該，因為好少已經夠哂味。。。
其他。。。。。
成餐飯盛惠RMB$600
食完周圍行，望出去見倒呢個，佢個譜真係有印野嫁！有字添嫁！製作認真！
老豆認真咁睇酒。。。
我又認真睇意粉（我個腦係得個食字嫁姐
）總結：呢個館都幾多野睇（係我d相無咩姐），有d國家特色野eg新科技呀，fashion呀，d XX像咁，都值得一睇
____________________________________________________________________
第二站：非洲聯合館
（對唔住，係無外型睇既！因為佢外型只係一個有colour既鐵皮盒）
似唔似indoor既flea market haha……
好多人圍住呢度呀，呢d係香油既樽，可以買樽，香油另買（好似係）
放係前面比較大支既要成七百蚊。。。。。。。。。。。
本來細細支個d想買黎自用＋手信，結果都百幾二百蚊！
係我家姐同媽媽行緊既期間，我去左睇d木雕，之後就同呢條友吹水。
佢講野真係好無聊但係真係好好笑！講左乜唔記得喇，不過我記得係無聊既好笑！佢黎左上海讀書一排嫁喇，所以英文溝通ok。（有d staff唔識英文嫁
）佢仲問我係咪come from england!
（我都想係）總結：如果想睇d非洲既小國既歷史/特色，我諗u better google it，或者wiki都得！
呢度真係無野睇。。。。。。
（路過，又係尷尬樣）
佢係有寫住「盧森堡大公國」
我睇左做「盧森堡大公園」
仲同我老豆講，一定無野睇啦，睇公園有咩好睇
之後我老豆話「你睇乜呀，大公國呀你以為大公園呀？」
好柒哈哈
btw，佢憑乜叫自己大公國，咁鬼細哈哈
End of Part3.1
