Voyage en Europe ♥ Day 3 - Venice

30-4-2012 (Mon)

出發去威尼斯!

(係碼頭見倒ja,我冇咁把炮坐呢架去威尼斯-,-)

同船九成係俄羅斯人……D女仔，真係唔錯 :P

男既呢，你要埋我個份;) 哈哈哈哈

on the way to Venice.

船程大約廿零分鐘啦，一路都睇到威尼斯唔同島嶼既面貌。好多比我既感覺都好似好荒涼哈哈

好少人，但係成個feel好peaceful! 我鐘意呀!仲有好舊好五、六十年代感覺……我最鐘意！

到喇到喇！

碼頭的風光

沿住碼頭一路行，會經一條又一條既橋，橋與橋之間好多呢個河道……

我知我成日都影唔倒平衡既相，但呢張真係唔係我問題呀！

因為長年浸係水既緣故，威尼斯大量木制既屋都會有被侵蝕既現象而導致傾斜

最後就係呢條著名既嘆息橋喇！

走過嘆息橋，就黎到最出名既聖馬可廣場啦！

我之前睇過一張相係聖馬可廣場既清晨，雖然我係鐘意清晨落住微微細雨既感覺多d，不過依家咁望都一樣咁靚，兩種唔同感覺，正！

(this one)

廣場附近既建築。

好可惜，太多人既原因，我又冇去到呢度參觀！

（無論如何，威尼斯係一個我[有機會、有錢的話]必的會再去既地方！）

當日溫度大約係廿四、五啦，有少少海風，係露天cafe飲住野聽live band(jazz)真係一流~~~

(我冇幫襯，企係度聽咋哈哈)

係廣場閒逛左一陣就出發去坐Gondole！

天氣真係好到爆，個天好藍好藍！我真係好鐘意威尼斯呀！！！！！

望望右下角呢位哥哥，我有同佢影相嫁！

佢個樣真係好C朗，我硬係覺得佢應該要去踢波而唔係係度撐Gondole....

坐完Gondole，係附近行左一陣之後就去左食lunch 喇

Lunch係食墨魚汁意粉、海鮮意粉同埋d炸魚呀，蝦呀，魷魚……

好唔好食呢就見人見智，我就覺得d墨魚汁意粉貪得意食下okay la,食就麻麻哈哈

(炸物拼盤,好日本既名...)

食完野，自由活動！第一時間梗係去寄postcard la ;) 

不過好可惜5月1,勞動節(?),全球放假

係歐洲，打工仔利益大過天，梗係放埋一份啦。所以買完寫完都冇用，post office收左…… :(

之後屋企人去左行名店.其實我好想行下d小巷嫁....去食lunch個條路d小巷真係好正!

我真係好鐘意呢d歐陸風情呀>__< 點解去venice都要行venice版廣東道呀香港人!!!!!!! 

左上: 坐Gondole既廣場望

左下:名店門口大廣場

右: Chanel 轉右直行就見倒呢個碼頭仔.非常舒服>_< 我仲坐左係度吹下風!

好正呀~~~~~~ <3 p="p">

行完名店,行下d小鋪頭,睇下紀念品咁啦

大家如果見倒鐘意既野/岩買黎用手信既野一定要快d買左佢!如果唔係旅程打後回想返真係會後悔到爆! (即係我)

行左個零兩個鐘,又返返黎聖馬可廣場

你睇下你睇下!個天藍到!癡線嫁咩? 萬里無雲呀大佬!

雖然係有點熱到唔可以著長袖,要除外套既感覺.不過我真係一滴汗都冇出過~

呢個地方真係正得好恐怖.好可惜今次跟旅行團只會去主島啦

返到hk睇師兄自己一個去歐洲d相,見佢去埋其他小島,感覺人少d,仲正! 有機會一定要再去!

之後就坐船返返去岸上喇....比大家睇下我見倒d乜野係令我驚訝到 ' wah!!!! ' 左出黎...

即係，去singapore交流我已經好開心...點知...

st paul co-ed係去意大利.......sigh....

(點解要著校服-_- ? 仲有家長自費跟d小朋友黎...真係唔同世界呀!)