真係好靚~~~~~
忍唔住留個倩影哈哈哈！
呢d相例牌都要影返張既……
影完之後我已經倒頭大睡，成三十個鐘冇訓呀大佬！唔訓真係死得人！
不過，都要一提英航個早餐。
呢個包真係好好食！我唔知點解可以香到咁，可能係肚餓食乜都覺得正。
我仲encore左添 :9
意大利機場。
我個人認為係幾殘，去過地方唔多，但覺得最靚都係日本同香港既機場！
由於我地delay左一日，所以今日要將兩日行程濃縮做一日！
好。趕。呀。癡。線。
呢度真係好靚，全部用大理石整成！
好可惜唔會去:(
坐左一陣車終於到喇！就係古羅馬鬥獸場！
好可惜係趕行程冇時間排隊入去啦……一場黎到，我唔怕排又唔怕貴。
好可惜跟鴨仔團，我冇得揀排唔排。
(bookmark左呢個自己黎一定要再去入去留返兩條頭髮既! :P)
仲有D古舊野比多錢無掟洗既遊客坐
霸氣!
我呢個無哩頭既人點都係要做d無哩頭既野ge ;)
同我家姐2個夾夾埋埋連拍左成百張先有張出得街-_-' 跳到氣喘
我真係覺得咁樣影幾靚~我本來想影黎做cover photo,好可惜我家姐唔爭氣,影極都唔好睇-_-
好難得先冇人，位都唔得閒度就要影一影。
我無乜記性，要影住話比自己知，我到此一遊。
要係個句,要趕行程,好快就要走下一度喇……
不過都好慶幸係咁趕既時候都可以taste下呢個城市係點樣
意大利的街道
<3
登登登凳
目的地到了!!!
有冇睇過衝上雲宵先?唔好同我講未睇過呢套經典野!
就算未,算啦,點都會識呢個許願池掛?
我終於去到喇!!!!yeah!!媽啊!!!!!好靚呀!!!!!!!
(sorry呢張用電話影係差少少嫁喇)
我真係唔理我家姐老豆媽媽九秒九拎住個$0.1,$1,1euro跑落去拿拿林許左3個願!
好可惜,因為一毫子太細,我回頭係搵唔返既
但其他2個都ok haha!
(仲有團友影到我向後拋個下!不過好可惜我同佢地冇留contact呀...)
留一留影先~
下一站： 梵蒂岡
因為真係好多人既關係，入去聖彼得大教堂一定要排隊，但就唔知排幾耐。
所以我地就輪流排，排下又去行下咁啦。
其實我自己唔係教徒，得罪講句都唔信有神。但係唔知點解黎到呢度，就會覺得自己好humble既感覺.見到咁多真正既教徒黎朝聖,我更加有種唔知點講既感覺.
(排隊無野做,亂影一餐)
左上個張，因為修葺所以比野圍起哂。但係歐洲所有建築物修葺個時為左令大家黎睇唔好失望/為左美觀啦，都會整幅掛畫比大家望望既！
好可愛的兩姐弟，佢地爸爸一路幫佢地影相，我又一路望住佢地
姐姐的笑容好緬腆…… 好靚女呀…… <3
排左一個鐘倒，終於入得！
其實我好想可以細心睇每一個天光，每一個細節。
但係好可惜時間真係唔容許 :'(
真係每一個天光都非常靚。但係，成個教堂感覺都係要錢堆砌出黎既感覺(sorry,重申一次,非教徒,只係主觀地去評論自己感覺)
不過雖然係咁，入到去都有一種平靜既感覺。
唯一有點美中不足係，放太多人入去喇。我唔介意再等等，然後可以靜靜地，慢慢地去欣賞呢座咁宏偉既建築。但係，真係太多人喇。。。。
都係個句，因為趕行程既關係，我地好快就同羅馬say byebye喇
本來可以住一晚嫁…… :'(
我真係好鐘意呢個地方 :'(
The next station is : Piazzale Michelangelo
(fake的)
佛羅倫斯的夜景.
唉，delay左冇得stay一晚真係好可惜:'(
呢度好似好靚咁呀………
(呢度都係要bookmark左佢既;) )
當時其實已經9點嫁喇!但係都仲係光光地……
唉，無帶腳架，呢張已經係最好既一張喇....(其實我仲未摸熟部機)
同埋，見唔見我上張相著乾濕褸？其實係羅馬我著leggings係因為入教堂唔可以著短褲……
所以呢，羅馬d天氣，廿零度，短褲短衫係ok，不過一入夜我諗大概係得十五、六度嫁咋！
btw好鐘意歐洲夏天日照時間咁長，永遠覺得時間好夠用！(身為一個遊客,我真係咁諗!不過係香港我好憎日長哈哈)
結果是晚我地十點先dinner，返到酒店竟然係差唔多一點！
攰到已經係出唔倒聲，返到去就倒頭大睡！
End of Day 2
多謝收看
