The Dictator

The Dictator

前排睇American Pie既時候睇左The dictator既trailer,笑到pk

今日weekday放假決定自己去睇! (係呀我係咁毒嫁喇-_-)

成套戲都好多笑料，你可以話佢係低俗，咁但係有d又真係知佢串緊咩人，幾好笑既










其實我都唔知打乜，無聊無野做想笑下可以入場既。

Jason Mraz - Tour is A Four Letter Word

24-6-2012 (Sun)

Jason Mraz - Tour is A Four Letter Word

wow! 終於等到呢一日!

兩個月之前，我就係一早仆起身上網同人爭飛既情況下爭到兩張返黎！

其實我唔算係Jason既super fans，只係會聽佢既歌……

不過基於我未睇過亞洲以外既歌手既concert所以就膽粗粗問CA同唔同我一齊睇

點知佢都OK,YES!得左!

不過呢，我地遲左入場………入到去已經唱緊第一首喇:'(

仲要以為自己搵錯位，原來係比人坐左-_-

好啦,之後好快就唱左Lucky!!好開心!!

佢既backing vocalist把聲好好聽,聽佢唱女聲完全唔失望!

仲多才多藝,又識volin,結他~~好正~~~~

呢個tour其實係主要promote新碟,但係新碟我淨係識I wont give up :(

所以好多歌都唔識呀....不過好彩舊歌HIT既都識姐

唱Mr. Curiosity既時候，全場靜到不得了。

得佢同琴既聲，真係好正………………

好lum呀~~~我溶化喇要~~~

唱I'm yours既時候又是high 爆! 全場大合唱! 

不過我最想聽係geek in the pink,please dun tell her,love for a child同life is wonderful都無唱:'(

toca又冇跟jason黎hk :'(

唉,不過有遺憾即係仲有下一次去彌補啦! :)

完左一出黎就見倒c all star on仔!

fatboy拎起電話同佢自拍個一刻,大家都呆左-_-

同明星自拍真係要好大勇氣,如果唔係氣氛會尷尬到一個極致!!

但係我feel倒on仔好high,不過停問我地好唔好睇,想聽咩歌

又話,嘩好正wo真係!!!!! hahahahah

仲見倒麻利,阿禮添!

最後梗係要黎個姐妹們的合照啦^_^

點解我地離開學校都仲要做低能動作? hahaha

Happy Sunday nite wif Jason n ca n kate n fat boy!

(第一次見fat boy nice to meet you haha)

Phantom of the Opera 25th anniversary

Phantom of the Opera 25th anniversary

話說我上年已經知道香港有公演，奈何個排mock，之後又AL

所以就算我屋企放我去睇，我良心都過意唔去啦！

好喇，到左考oral(3月)個排，見到五月又有公演！開心到返到屋企即刻搵老豆拎credit card 訂啦

點知佢話5月5號要返大陸唔可以去! 我就嬲喇!嬲到喊!

(哈哈，我知好低能，但係我唔知要去歐洲嘛！)

anyway

今日6點3先係公司走，仆出中環睇，仲要比ABC點錯路 :'(

跑到去ifc就岩岩好開場!

其實phantom既戲我已經睇過N次，MUSICAL ver. 都係utube睇過好多次

雖然今次唔係係現場睇，但係一場好有feel!

不過可能係情意結問題，我其實麻麻鐘意個女主角。可能覺得佢唔似我心目中既Christine啦！

但phantom真係好正好正！點解可以咁正？

佢把聲真係好厚……

我真係詞窮，不過我覺得搵佢做真係選得非常好！

成場令我最感動既一幕，應該係Christine去佢爸爸既graveyard個時唱wishing you were somehow here again……

佢好投入之餘，我都投入左入去……諗起表哥………眼淚真係隨之而來……

i think this part of the best part of phantom!

除左呢幕仲有最後Christine還返the ring to phantom......

佢喊到口水都飛埋出黎，真係好催淚………

不過最令我surprise既一定係臨尾Andrew Lloyd Webber同Sarah Brightman出黎！

老老實實，Andrew出黎我都冇咁high，Sarah Brightman出黎個時我係忍唔住坐直個人係戲院拍手！(好蠢的感覺)

不過真係好開心！佢仲同phantom of Swiss, London,NYC, Toronto唱左theme song

(swiss個個phantom把聲好唔得...我個人認為佢應該做raoul instead of phantom :-S)

完場之後都仲回尾緊呢2幕，太正喇……………

之後去坐船過尖沙咀

又見倒班後生仔同遊客即興jam Hotel California!

成晚比音樂包圍既感覺真係好好!

(又要係度感激舊校對學生們音樂既培養!)

Prometheus

Prometheus

呢套戲係身邊朋友既評語係好壞參半……

有人話成套戲都唔知做乜， 又有人話好好睇，好有意思一定要睇

好啦，既然係咁，我呢排都睇得多爛戲，唔差在睇多一套啦

(拿，但係我入場係有抱expectation既)

一開場，well，我已經cant figure it out……

我知係DNA，但係，reform d DNA for wt 呢? 佢地係human or aliens ?

個度究竟係earth or mars? 

(有人話「香港人慣左即食文化唔用腦思考」，大佬，我想問你一路睇，可唔可以一路諗倒以上問題既答案？)

跟住個d都ok ge,follow倒

不過咁,當佢地去到mars,我又好多問題浮現喇！

點解一入完大氣層就即刻搵倒個temple? 點解知道個個就係wt they want?

成個火星大到咁wo! 一出大氣層就到? 一入地球都有幾百個國家啦,點知which one is wt they want?

到入左個temple，well，連我呢個理科白癡都知道去到唔熟悉地形、環境既地方，點會仲蠢到除左個helmet……乜料先……？

Dr. Shawn又係正，生完個小朋友(aliens)，比人開左肚喎！都可以行到！

都算喇！仲要行出黎提都無提過又再入返個temple。。。

科技進化姐，人類身體機能無喇掛？

真係好多唔make sense既野………………

拿，我知道咩叫講故唔好博故，但係都唔好咁搞笑呀。。。。。。

(我已經係imdb比左4分哈哈)

不過有一樣一定要讚!

就係3D畫面，唔止係字幕3D，係畫面都有層次!

至於配樂，今場得opening有留意，後期已經忽略左……sorry haha

總括黎講，學生價$75都可以既，正價就免喇！

Voyage en Europe ♥ Day 2 part I

< let's go back to day 1 >


29-4-2012 (Sun)




琴晚返到屋企已經係四點喇，我係的士已經忍唔住訓著左，係熟睡個種……

好攰呀……

是日十一點比媽媽叫醒，話導遊打左黎，會原機18:35飛!

令人振奮既消息!(叫做好過冇嫁喇，起碼仲有得去玩喎!無左一日都好過無得玩呀嘛!)

如是者我地就換衫去lunch之後入機場!

今餐要多謝british airway! (雖然我仲未claim到錢......不過食左先算啦!)

幾經辛苦，我地終於都可以出走亞洲喇………(感動落淚)

同埋，原來illy由gate 1搬左去gate 19個邊……yeah!我終於飲倒!<3

鄉下妹Gipsy終於要去一次遠行喇，離開亞洲喇:'( 真係感動到想喊呀

今次多謝班朋友仔喇，我真係一路順風喇~~~~~~~~~~

去邊度都唔少得既maruko! 

佢已經陪我走過上海、杭州、台北、新加坡……今次去歐洲點少得佢先？

老老實實，BA d飛機餐其實都算唔差嫁喇!

不過呢支野就…………都唔expect佢好飲嫁啦，點知係比難飲更難飲哈哈哈! (所以回程飲red label哈哈)

其實長途機我本身真係無咩所謂，可能我瘦唔覺得迫，同埋未坐過啦(唔敢話自己細粒呀我！)

又可以睇下書睇下戲……

唔識英文既我只好睇默劇啦!(yes!終於睇倒喇!)

但係。。

中間做過乜我唔記得喇haha總之......不過..原來....長途機都幾悶,如果無野做

到埗後見到好多同香港好似既野haha,成個機場個feel都同香港似嫁! 過埋關出黎就見到呢堆野喇……

唔係講笑,原來英國得10度8度,而我仲只係著住件tee同短褲...wtf....

好彩有件乾濕褸頂一頂,如果唔係真係凍死左!

因為比我地轉機去Rome既時間仲距離幾個鐘,BA就安排左酒店比我地休息.

唔係講笑,呢間酒店真係正到喊! 係正到喊!

廁所有2個,有廳有房,洗涼用品全部係Hermes! 廁所個浴缸直情訓倒2條友有埋plasma電視,都算喇!仲有king king king size 床同free wifi! 癡線! 有冇咁正呀?

好可惜我地只係係度stay4個鐘ja-,-

天光喇……

(其實酒店行去T5係唔洗出室外,經條tunnel is ok!但我都深深感受到寒意:-S)

3mins後到T5 check in轉飛Rome!

拿,呢一刻我就超過24小時無訓(應該有30hrs),個樣腫就不在話下啦,我仲唔識死,對眼乾到核爆都帶con.又好似無eyeline,咁我都夠膽影相,好野!

晨光初現的倫敦……^_^

End of Part 1

(全部係無聊野囉其實)

< let's go to Day 2 (I) >

Happy Birthday Wilson!

11-6-2012 (MON)

聽日係花花生日……well識左咁耐其實我地呢個圈子都好少幫人慶生

今次唔知了起邊條根大家都好似好熱衷搞個party為花花慶祝生日！

仲認真到開左個「十派生日飯」既group!仲要日日keep住講野，好認真嫁！

但係開group者羅慧芝真是少根筋，本應都係主角之一既阿文都比人加埋入group

真係即時忍唔住鬧佢-_-!

(不過算啦,阿文有女朋友就唔識人嫁喇:'( )

結果，我地呢個其實無乜plan既生日飯就由好多人，最尾得返五條友去食hahahahahah

由於是日花花kitty芝芝要去睇poly fashion show，所以我同gary就負責去拎位先啦！

我一收工已經仆出尖沙咀買蛋糕嫁喇~　

去龍島買個時本來想博個姐姐好人送生日牌比我，點知比完錢之後佢話

「下，你要買生日蛋糕我先比倒你喎」

算啦-_-

之後又怕3條友會好快去到食飯的地方，所以又仆去食飯的地點。

著住背心都身水身汗呀大佬！

去到先柒。

明明gary話已經到左，我就同人講我有位，入到去，頂，人呢？仲要行入廁所以為入面係有房，真係頂肺！

最後佢地黎左，哈哈，個下唔覺得花花有surprise既感覺，心諗「失敗呀頂！」

但係最後佢話有，咁好啦，有啦哈哈

你生日，最緊要你開心啦大佬！

其實成餐飯都無乜影相，因為，無野好影！

唯一值得影就係呢舊好似屎既野。傳說中既(生)蟹膏壽司

我個人本身對生野無咩特別好感，會食三文魚但係唔食d什麼拖羅，覺得好似食緊生牛肉入口咁

呢舊野見倒更加覺得似屎！真係好似屎！

但壽星仔講到真係好好食，我就比面食左一舊，食完佢仲送多半舊比我，我真係好難拒絕(當時唔覺難食嫁!都無味既!係好creamy lor!)

食完之後就pk喇，塊面起粒粒喇頂 :'( 我仲連續爛面爛左4日……

其實呢個係順帶一提姐哈哈!

食完野，終於拎得個蛋糕出黎……

成餐飯塞係我背脊後面，大佬，我連側一側身講野都比羅慧芝啤，驚死比花花見倒咁哈哈

karen姐，我都係抖下嫁，得半個pat pat坐到落張凳咋！

本來就想用驚喜方法拎個cake出黎，但又趕唔切，結果又變左唔驚喜。

好彩壽星仔之後有話其實都幾感動，如果唔係呢個十派生日飯真係會搞到好唔成功，好爛………

食完就漫步去海傍喇~~~~~

回想起發覺no candle係一個敗筆，因為畫面唔好睇哈哈。

係海傍吹下風,傾下計,其實我好鐘意嫁!

一路都好想咁樣,不過ltp d同學唔會咁,F7 d同學更加唔會啦……

所以其實我好開心嫁^_^ 希望第時都可以多d機會咁啦……

(i stole this foto from fafa's fb haha)

同呢班pk仔既關係真係好微妙……畢業之後有一段時間無聯絡，我又無刻意搵大家

以為大家個幾個月友誼就over la

(雖然本身對呢間學校無好感,但係佢地感覺係唔需要呢間學校haha)

但係又唔知點解突然又聯絡返~加上smartphone既出現令大家contact好似密左咁…

而呢一堆人之中,又唔會話單獨同其中既人出街,私下亦都好少聯絡,但出黎就總會笑得好開心,傾得好開心……

坐完一輪，為左滿足芝芝，我地就去左飲野喇……

(啊,下次影相之前唔該搵人幫我托一托眼鏡呀!我眼鏡真係好鬆,成日跌-,-)

本來今日咁少人可以睇埋波既，但係好可惜我第二日要返工……

下次啦！七一去LKF睇啦~~~

nice night with you guys :)

hope you feel reli happy n unforgetable la fafa!

Happy Birthday!

姐妹們的聚會 ♥

_{8-6-2012 (Friday)}

今日返工無咁多野做，唔洗check貨分貨比分店，又唔洗print價錢牌入電腦。

但係琴日放工既時候，Carmen講笑咁話「Gipsy，你聽日唔做多間鋪唔洗旨意放工呀下！」

雖然佢係講笑mode，但好明顯係認真緊。

WTF。我琴日仲做緊德福20號，即係，我TOTAL要做埋1.5個月既數

結果，我今日竟然可以超額完成工作！仲可以18:01就放工！CRAZY!!!!!!!!!

事實再次證明，人係需要係壓力下先可以發奮！

所以，我又可以準時地出席今日同LTP時代的姐妹們約會喇

其實一見面個下都有d尷尬，唔知講乜嫁……雖然我分別都有同佢地四個聯絡，但係五個一齊出真係好似第一次！

（唉我地真係口和心不和嫁，足足五年！）

結果見面完全無尷尬，好有以前返學既feel！

每次講返以前學校d野真係好好笑尤其講返大家d情史!笑到癡線哈哈!

過氣情敵!

話說我地係去大尾督BBQ(巴希雅)
其實係自助式燒串燒。野食唔可以話好多揀，但係都足夠大家食既
不過咁，是日天氣就真係熱到PK，成三十度走去燒野食，真係唔知邊個咁好提議。
最好野既係大家都點頭話好

成晚都係笑笑笑，笑到癡哂線！　
好掛住呢種好似返學咁既生活，淨係返學玩，唔洗用腦
(大家回顧返發覺我,CODY,KATE只係F3個年有比心機讀書，所以我地係LTP 5年來既成績係F3最好!尤其係MATHS，鄭sir真係好正，如果唔係我地都入唔倒理科!)

成晚都充斥住無哩頭既行為同埋對話……
( 5D大部份既topic killer都出現，好難冇無哩頭對話 )

正斗CA!

由7點9食到11點先走……non-stop eating!
雖然食左好多野不過都係無咩飽既感覺，可能係太熱，完全無mood食
食完之後又周街自拍~~~

我地仲竟然係大中7-11巧遇仲賢同劉柏禧! wow!
最可惜係卓mike岩岩走左! aiya!


就係咁我又過左快樂的6小時。
快樂其實真係好簡單，我真係好愛你地

ps 記低我地講過要做d乜先:
1) lwl kate去韓國(整容)
2) 5個pk 1月去thailand
3) kate生日去kate屋企
4) 7月去馬交(睇水舞間pls!!!!)
5) 食小肥羊
6) 打牌!!!!!!!!!!roar!!!
7) 睇普羅米修斯 ^_^

希望做到啦哈哈哈!